Lyfjagjafir

Lyf eru að öllu jöfnu ekki gefin í leikskólanum. Ef barn þarf á lyfjum að halda er oftast hægt að stilla því þannig upp að barnið innbyrði það að morgni fyrir leikskóla, eftir leikskóla og/eða fyrir nætursvefn.

Ef nauðsynlegt er að gefa lyf í leikskólanum verða foreldrar að koma með skammtinn tilbúinn til neyslu. Foreldrar fylla út lyfjablað þar sem tilgreint er hvers konar lyf um ræðir og hvenær skal gefa lyfið. Starfsmaður kvittar fyrir þegar lyfjagjöf er lokið.